Юртимизда ёз ўзининг авж палласига кирмоқда. Ҳаво ҳарорати ҳар куни кўтарилиб, иштаҳамиз пасаймоқда, кучимиз ҳам камаймоқда... Айниқса, ҳурматли ота-оналаримиз, бува-бувиларимизга қийин бўлиши мумкин, боиси кекса ёшда иссиқлик ва жазирама уларнинг организмлари учун салбий таъсир кўрсатади. Хўш, уларга қандай ёрдам беришимиз мумкин? Бунинг самарали йўлларидан бири – санаторийлардан бирига йўлланма ҳадя этиш! Бугун биз ёз – санаторий-курортда даволаниш учун энг яхши вақт эканлиги борасида сўз юритамиз.

1-сабаб. Даволаниш

Ахир бу, аслини олганда, санаторийда дам олувчи ҳар бир инсоннинг энг асосий мақсади. Албатта, нимани, қаерда ва қачон даволаш кераклигини билиш керак. Мисол учун, ёзда ошқозонни даволаш учун Карлови Варига, йилнинг совуқроқ мавсумида эса – Озарбайджон Нафталанига бориш лозим, сабаби у ерда шифобахш нефть ёрдамида тери ва таянч-ҳаракат тизими касалликларидан халос бўласиз.

Бордию Сиз «Боржоми» шифобахш сувидан ичиб турсангиз, ҳеч қандай гастрит касаллиги Сизни безовта қилмайди, бироқ агар уни Грузияда, шифокор тавсиясига кўра булоқнинг ўзидан ичсангиз, унинг самараси бир неча бор ортади!

Сочида эса машҳур «оловли сув» таянч-ҳаракат аппарати касалликлари ва дерматитдан фориғ бўлишга ёрдам беради. Буларнинг барчаси ушбу курорт минтақанинг шифобахш иқлими ва денгиз ҳавоси туфайлидир!

2-сабаб. Тикланиш

Дарҳақиқат, қишки ва баҳорги мавсумда витаминларнинг етарли даражада бўлмаслиги организмимизни ҳолдан тойдиради. Эски касалликлар зўрая бошлайди. Шу сабабли ёз тикланишнинг айни вақти. Мисол учун, агар Сизни юрак-қон томир касалликлари безовта қилса, Кисловодскка йўл олиш мумкин. Қандли диабет, гастрит ва ошқозон касалликлари профилактикасида эса Ессентукини танлаш лозим. Кавказ Минерал Сувлари курортларининг яна бир ижобий тарафи – бу ерга виза расмийлаштириш шарт эмас!

3-сабаб. Об-ҳаво ва табиат

Дарҳақиқат, ёзда қадрли ота-оналаримизга ҳавоси мусаффо, кислородга бой, мўътадил ҳароратли, шамол ва табиатнинг бошқа салбий омиллари мавжуд бўлмаган жойларда дам олиш тавсия этилади. Масалан, Трускавец манзараларига бир назар солинг!

Карлови Вари бўйлаб пиёда сайр қилиш қанчалик фойдали! Ёзги мавсумда Чехияда ҳаво ҳарорати +25 градус атрофида бўлади. Жазирама иссиқ ва қуёш тафти кузатилмайди. Бу организмни табиатнинг ўзи даволайди, дегани.

4-сабаб. Саёҳат

Кўпчиликда санаторий-курортда даволаниш фақатгина шифокор ёзиб берган кўрсатмалардан иборат, деган хато фикр мавжуд. Аслини олганда, бугунги кунда даволаниш ва саёҳат қилишни олис шаҳар ва ҳаттоки давлатларга унутилмас экскурсиялар билан бирга қўшиб олиб бориш мумкин! Мисол учун, Карлови Варидан Швейцарияга – Цюрих, Берн, Люцерн ва Интрелакенга йўл олса бўлади.

Икки кун ичида автобусда Парижга боринг.

Ёки Прагада вақтингизни унутилмас тарзда ўтказинг.

5-сабаб. Совғалар

Турли курорт минтақаларда кўнглингизни қишин-ёзин илитиб турувчи бирор нима харид қилиш мумкин. Мисол учун, Чехиядан биллур сотиб олинг!

Оилавий байрамлар учун ҳақиқий грузин виноси!

Ёки Кисловодск бозоридан ширинликлар.

Tatil.uz Сиз ва яқинларингизга мустаҳкам соғлиқ тилайди! Биз Сизнинг соғлиғингиз ҳақида ғамхўрлик қилишга интиламиз! Шу сабабли ҳар сафар Сиз учун энг яхши соғломлаштириш турларини танлаб олишга ҳаракат қиламиз! Сиз уларни бу ердан топишингиз мумкин! Таклиф ва мулоҳазаларингизни +99871 200 55 44 рақами орқали билдиринг ёки Facebook га ёзинг! Соғлиқ ва бахт Сизни тарк этмасин!