«Ҳалол сайёҳлик» тушунчаси биринчи марта 2010 йилларнинг бошларида пайдо бўлган бўлиб, ўша вақтда Британия ОАВлари денгиз курортларида кўплаб очилаётган ҳалол меҳмонхоналар ҳақида ёза бошлаган эди. Уларнинг дастлабкилари Туркия, Индонезия ва БААда очилган. Айни дамда бундай меҳмонхоналарни исталган мамлакатда учратишингиз мумкин бўлиб, улар кенг қамровли ҳалол дам олиш саноатини тақдим этишади.

Бу йўналишдаги етакчи давлатлар – Малайзия, БАА ва Индонезия. Бу ҳақда тошкентлик тадбиркор Бобур Зокировнинг сўзларига қулоқ тутсак:

- Шу йили ёзда биз рафиқам билан Жануби-Шарқий Осиё давлатлари бўйлаб саёҳат қилдик, Куала-Лумпур, Лангкави ороли ва Сингапурга бордик.

Мисол учун, Малайзиядаги кафе ва ресторанларда бирор марта бўлса ҳам ҳалол таомлар йўқлигига шикоят қилмадик. Ҳатто McDonald’s ва KFC да ҳалол меню берилувчи алоҳида зоналар бор ва бу маълум бир қулайлик яратади.

Сингапурда ҳам биз фақатгина ҳалол таомларни тановул қилдик, бироқ у ерда ҳалол таомлар Малайзиядагидек кўп эмас.

Сўнгги йилларда ҳалол сайёҳлик соҳаси Таиландда фаол ривожланиб бормоқда. Мисол учун, Мусулмон сайёҳлиги бутунжаҳон индекси (GTMI)га кўра, Ислом ҳамкорлик ташкилотига кирмайдиган давлатлар орасида Таиланд сайёҳлар сони ва соҳанинг тараққий этганлиги бўйича Сингапурдан сўнг иккинчи ўринда туради!

Кўпчилик инсонлар, дарҳақиқат, аҳолисининг 95 % буддавийлик динига эътиқод қилувчи Таиланд мусулмон сайёҳларга зарур шароитларни тақдим эта олишига ишонмайди. Бироқ 2016 йилда Бангкокда Al-Meroz номли биринчи ҳалол меҳмонхона очилди.

Вақт ўтиб бундай меҳмонхоналар сони кўпайиб борди, улар индонезиялик сайёҳлар орасида анча машҳур. Пхукетда эса аҳолининг 30% ислом динига эътиқод қилади ва бу ерда ҳатто араб квартали ҳам бор. Умуман, кўпчилик сайёҳлар Таиланд – турли дин, миллат ва маданият вакиллари ҳамжиҳатликда ҳаёт кечириши мумкин бўлган мамлакатлардан бири эканлигини таъкидлашади.

Пхукет оролида 50 дан ортиқ масжид бор. Улар жумласига Patong Mosque, Kamala Mosque, Masjid Nurul Ibadah ва бошқаларни мисол қилиб келтириш мумкин.

Бугунги кунда Пхукетда кўплаб ҳалол меҳмонхоналар очилган. Хоналарда меҳмонлар жойнамоз ва қибла йўналишини кўрсатувчи белгини топишади. Бу ерда ҳалол таомлар тайёрланади ва спиртли ичимликлар берилмайди. Бундай курортларни исталган дид ва чўнтакка қараб топиш мумкин. Демак, Пхукет оролидаги бир нечта ҳалол меҳмонхоналарни эътиборингизга ҳавола этамиз
Paresa Resort Phuket Андаман денгизи соҳилида жойлашган. Меҳмонлар ҳам хоналарда, ҳам алоҳида виллаларда яшашлари, шахсий бассейнлардан, SPA-марказ хизматларидан фойдаланишлари, кутубхонага ва ҳатто хусусий галереяга боришлари мумкин! Бўш вақт пайдо бўлса тай таомларини тайёрлаш бўйича курсларга қатнашлари ҳам мумкин!

Камала пляжи яқинида тропик боғлар билан ўралган The Bell Pool Villa Resort Phuket меҳмонхонаси жойлашган. Эксклюзив виллалар очиқ бассейнларга эга бўлиб, у ердан тоғ ва пляжларга ажойиб манзара очилади...

Таомлар ҳақида икки оғиз гап. Пхукетда кўплаб ҳалол ресторан ва кафеларни топиш мумкин. Мисол учун, кичик, бироқ катта шуҳрат қозонган Bang Mud Seafood Floating Restaurant.

Casablanca Restaurant Патонг пляжи яқинида жойлашган. Бу ерда ҳинд ва араб миллий таомлари тортиқ қилинади.

Arabia Restaurant – Пхукетдаги классик ҳалол ресторан. Бу нафақат меню, балки ички интерьерда ҳам ўз аксини топган.

KAtaturk Restaurent – унинг номи ҳаммасини англатиб турибди! Бу турк таомлари ва чиройли ички декорга эга манзарали ресторан.

Ушбу мақола сизга фойдали бўлди деб умид қиламиз! Агар бизга ўз саёҳатингиз ҳақида сўзлаб беришни хоҳласангиз, editor@tatil.uz манзилимизга ёзинг ва оригинал ҳикояларингизни жўнатинг! Эҳтимол, айнан сизнинг ҳикоянгиз минглаб сайёҳлар учун фойдали бўлар!