Tatil.uz Brand
+99871 200 55 44
Ўз

02-05-2018 17:30

PortAventura: Европадаги энг яхши курорт ва кўнгилочар парклар ҳақида 7 та асосий савол

2389

0

Агар кўнгилочар томошалару ўйин-кулгини хуш кўрувчи фарзандларингиз бўлса ва ўзингиз ҳам адреналинни севсангиз, бугунги мақоламиз айнан Сиз учун. Бугун Испаниянинг европача курорти ва кўнгилочар парки PortAventura ҳақида сўз юритамиз. Tatil.uz вакили PortAventura World Parks&Resort матбуот хизмати ходими Gloria Almirall билан боғланиб, мухлисларимизни қизиқтирган саволларга жавоб олди. Демак, PortAventura ҳақидаги 7 та асосий саволга жавоб берамиз!

PortAventura World Parks&Resort нима?


Бу улкан ва бутун дунёга машҳур кўнгилочар парк, шунингдек, Испаниянинг курорт маскани бўлиб, нафақат сайёҳлар, балки мамлакат аҳолиси, айниқса, каталонияликлар орасида катта шуҳрат қозонган.


Ўтган йили PortAventura 23 ёшга тўлди! Шу вақт давомида у ерга 80 миллион сайёҳ ташриф буюрди!


PortAventura – бу учта тематик парк.

PortAventura Park


PortAventura Caribe Aquatic Park


Ferrari Land


Шунингдек, бу ерда учта гольф-клуб

Ва пляж клуби бор.

Умуман олганда, PortAventura ҳудуди 117 гектарга тенг. Ҳар йили бу ерга камида 3 миллионга яқин сайёҳ келади!

PortAventura га қандай бориш мумкин?


PortAventura Таррагона провинциясида, Салоу қирғоқбўйи шаҳарчаси яқинида жойлашган. Бу ерга Барселона орқали келган маъқул, бу бир соат вақтингизни олади. Умуман, қуйидаги вариантлар мавжуд: Барселона аэропортидан автобусда, тезкор поездда, таксида ёки ижарага машина олиб.
PortAventura да қандай меҳмонхоналар бор?
Бу ерда тўртта 4 юлдузли ва битта беш юлдузли меҳмонхона бор.


Hotel Mansion de Lucy 5*

Hotel Gold River 4*

Hotel PortAventura 4*

Hotel Caribe 4*

Hotel El Paso 4*

PortAventura Park да нималарни кўриш мумкин?


Парк уч қисмга бўлинган. Улардан биринчиси – ташриф буюрувчиларга турли маҳсулотлар, кафе ва ресторанларнинг улкан танловини тақдим этувчи Ўртаер денгизи.
Бу ердаги энг машҳур аттракцион – «Furius Baco».

Ўртаер денгизидан Ёввойи Ғарбга, довюрак ва забардаст ковбойлар масканига йўл олишнинг айни вақти!
Бу ерда албатта «Stampida», родеода учинг, ноёб муҳандислик лойиҳасига эга аттракцион ва каруселларга ташриф буюринг.

Экзотик таомлар ва майя маданиятини ўз ичига олувчи Мехикога хуш келибсиз! Бу ерда қуйидаги аттракционларни топишингиз мумкин: Yucatan, Los Potrillos, Armadillos, Huracan Condor.

Энди эса супертезюрар Shambhala аттракциони (78 метрдан 134 км/соат тезликда пастга тушади) ўрин олган Хитойга боришнинг айни вақти!

Dragon Khan га ҳам бир кириб ўтинг.

Полинезия – PortAventura Park нинг кейинги бекати. Tutuki Splash аттракциони билан вулқондан яширининг. Kontiki катамаранида полинезия бўронига дош беринг.

PortAventura Park нинг энг кичик меҳмонлари томонидан айниқса хуш кўрилувчи Сезам ҳудудига тортинмасдан кираверинг. Бу ерда уларни мультфильм ва эртак қаҳрамонлари кутиб турибди!

PortAventura Caribe Aquatic Park нима?


Бу 50 минг квадрат метрда жойлашган, кўплаб бассейнлари ва горкалари бор замонавий аквапарк!

Нега Ferrari Land ҳақида кўп ёзишади ва гапиришади?


Европадаги шу турдаги ягона тематик аквапарк бўлгани учун. У 70 000 квадрат метр майдонда ястаниб ётади. У ўтган йили очилган бўлиб, янги аттракционларни ўз ичига олади.


Ресторан, кафе, дўконлардан ташқари (шу жумладан Феррари расмий дўкони) паркда кўплаб кўнгилочар аттракционлар бор!


Бунга эркин тушиш минораси, Red Force пойгаси, Maranello Grand Race пойга трассаси, Формула-1 нинг Pole Position Challenge симулятори ва кичкинтойлар учун Junior Championship пойгаларини мисол қилиб келтириш мумкин.

PortAventura World Parks&Resorts да аттракционлардан ташқари яна нималар бор?


Тематик парклардаги турли-туман шоу ва намойишлар.
Шунингдек, фақатгина бу ерда афсонавий Cirque du Soleil® труппасининг Европадаги ягона намойишлари ўтказилади!

Бордию Сиз ҳам PortAventura World Parks&Resorts нинг унутилмас таассуротларига эга бўлишни хоҳласангиз, Барселонага турни буюртма қилинг! Фақат Сиз ва фарзандларингизга Tatil.uz да аттракционлару тематик парклардаги намойишлардан олам-олам таассурот олишингиз учун мукаммал таклифлар тайёрлаб қўйилган!

Бизга +99871 200 55 44 рақамига қўнғироқ қилинг, Facebook га ёзинг ва Telegram-каналимизга обуна бўлинг! Ушбу ёзда қувончли онлар доим ҳамроҳингиз бўлсин! Ва айтганча... баъзан ўзингизни ҳам ёш боладек тасаввур қилиб туринг!

Фото www.portaventuraworld.com

Мақола муаллифи: Александра Терёхина

БИЗНИНГ ТЕЛЕГРАМ - КАНАЛИМИЗГА ОБУНА БЎЛИНГ

Изоҳ

МАВЗУ БЎЙИЧА ТУРЛАР

АЛОҚА

Бизнинг манзил:

100031 Тошкент, Ўзбекистон
Яккасарой тумани,
Юсуф Хос Ходжиб кучаси, 69 уй

Тел: (+998 71) 200 55 44

E-mail: info@tatil.uz

Top