Эртакларда инсонлар гўзаллик ва узоқ умр кўриш сирини излашган ва ёшартирувчи олмаю шифобахш сув илинжида олис сафарларга отланишган. Бу мақсад аввалдан мавжуд бўлган ва бугун ҳам биз иложи борича яхши жисмоний ҳолатни узоқроқ вақт сақлашга интиламиз. Қандай қилиб соғломлаштириш муолажаларини ёқимли ўтказиш мумкин? Дам олишнинг қадрига етувчилар бунинг учун Карлови Варига йўл олиш керак деб жавоб беришлари аниқ! Айнан шу ерга ҳар йили дунёнинг турли бурчакларидан миллионлаб одамлар ташриф буюришади.

Айтишларича, ушбу мўъжизавий термал булоқларни минг йиллар олдин Карл IV ов пайтида итига қайноқ сувдан чиқишга ёрдам бераётган маҳал ўзини узоқ вақт давомида қийнаб келган касалликлардан фориғ бўлганидан сўнг аниқлаган. Ўша даврлардан буён бу ерда қаср бунёд этилди, бу ерга кўплаб зиёратчилар – ўз соғлиғини тиклаш илинжида бўлган аслзодалар, зодагонлар ташриф буюра бошлашди. Орадан кўп йиллар ўтди. Ҳозирда дунёнинг энг машҳур курортларидан бирига бориш учун юқори табақа вакили бўлиш асло шарт эмас.

Айни вақтда Карлови Вари илгаригидек дам олувчиларга организмнинг барча тизимига ижобий таъсир кўрсатувчи, овқат ҳазм бўлишига ёрдам берувчи турли термал булоқларни таклиф этади. Бу ерда, шунингдек, парҳез ва физиотерапия, даволовчи бадантарбия, бир маромдаги йўналишлар бўйлаб сайрлар ёрдамида ҳам даволашади.

Бироқ Карлови Вари – бу нафақат даволаниш, балки Европанинг энг гўзал масканларидан бирида унутилмас ҳордиқ чиқариш ва олам-олам таассурот олиш имконияти. Бу ерда исталган киши Ганс Христиан Андерсен эртагига тушиб қолгандек бўлади...

Айтганча, Карлови Вари аҳолиси бор-йўғи 50 минг кишини ташкил этишига қарамай, бу ерда маҳаллий халқ ва дам олувчилар орасида катта шуҳрат қозонган шаҳар театри бор.

Ушбу мўъжаз масканда кафедрал собор ҳам бор. У ерга кириш мутлақо бепул.
Карлови Варида турли дин вакилларига диний маросимларни адо этиш учун барча имкониятлар мужассам этилган. Мисол учун, бу ерга келган ҳамюртларимиз асло хавотир олмасалар ҳам бўлади: бу ерда масжид, ҳалол ресторан ва дўконлар мавжуд.
Ва албатта шопинг. Европадаги шопинг арзон машғулот эмас, деган фикрга зид равишда, Чехия ва хусусан Карлови Варида бунинг аксини кўриш мумкин. Бу ердаги йирик савдо марказларида кийим-кечакдан тортиб майда совға ва сувенирларни мақбул нархларда харид қилиш мумкин. Масалан, Вариада (Obchodni centrum Varyada) меҳмонларга турли брендларнинг анъанавий тўпламини арзон нархларда таклиф этади. Даволаш тадбирларидан холи дам олиш кунлари эса яқин-атрофда жойлашган Европа шаҳарлари, мисол учун, Дрезденга сафар айлашингиз мумкин.

Дўконларни айланиб бўлгандан сўнг қорнингиз оч қолиши табиий. Карлови Варида мазали таомлар тайёрланувчи кўплаб ресторан ва кафеларни топасиз. Уларда Сиз славян ошхонасидан тортиб ҳинд таомларигача бўлган турли овқатларни татиб кўрасиз. Ва албатта, машҳур чех пивосини ичиб кўринг!

Карлови Варидан энг асосий сувенир – бутун дунёга машҳур богема биллурисиз қайтиш мумкин эмас! Чехия азалдан ўзининг биллурлари билан донг таратган ва бугунги кунда уларнинг сифати асло ўзгармаган. Улар дерли ҳар қадамда сотилади, шу сабабли бундай имкониятни қўлдан бой берманг!

Tatil.uz ўз имконият ва истакларингиздан келиб чиқиб саёҳат буюртма қилишингиз мумкинлигини эслатиб ўтади. Ушбу тур ҳақида батафсил маълумотни бу ердан олишингиз мумкин. Шунингдек, бизга +99871 200 55 44 рақамига қўнғироқ қилинг, туроператорларимиз Сизни Карлови Варида яна қандай қизиқарли нарсалар кутаётганлиги ҳақида маълумот беради.

Карлови Варига ушбу баҳорда ташриф буюринг. Бу ерда Сиз ажойиб эртакка тушиб қолгандек бўласиз. Абадий ёшлик, соғлик ва қувонч олами Сизни қарши олишга тайёр! Уйингизга совғалар, сувенирлар ва унутилмас таассуротлар билан қайтинг!