Каппадокия – бу Туркиянинг шунчаки бир вилояти эмас, балки алоҳида, ўзгача мамлакат... Бу сервиқор қояларнинг нозик қирралари-ю мовий осмонда акс этган алоҳида дунё. Ушбу манзарадан абадий завқланиш мумкин. Миллион йиллар олдин яратилган табиат мўъжизаси –Каппадокия бошқа бир сайёрадек. Вулқонлар, кул ва лавалар – одамлар ғорларда яшаб, ҳар тонг осмонга кўтарилаётган ҳаво шарларига қараб завқланувчи Каппадокиянинг кўринишини янада гўзаллаштирган... Tatil.uz га ўзининг фотожамланмасини юборган Аслан Юнусоглунинг Каппадокияда олган ёрқин суратларини эътиборингизга тақдим этамиз!

Каппадокия – бу онанинг боласига айтаётган алласидай. Ушбу аллада ўз ватани учун курашаётган қўрқмас жангчилар ва ботир аскарлар ҳақида афсона жамланган. Ахир ушбу аскарлар эртакнамо Пашобаг водийсидан-ку...

Жасур аскарлар қаерда бўлса, уларнинг суюклилари ҳам ўша ерда. Уч гўзал...

«Олисга бир қара, саҳрода кемалар турибди...»

Каппадокия – эртаклар мамлакатидек. У ерга борувчи ҳар кимса унинг қаҳрамонига айланади ва бугунги кунда ҳам эртаклар борлигидан ҳайратга тушади.

Каппадокия – бир-бирига мос келмайдиган шаклларнинг ўзаро уйғунлашуви натижасида ҳосил бўлган бетакрор сурат.

Яна Каппадокия – бу бахт, қувонч ва омад руҳи аралашиб кетган эркинлик ҳавоси. Каппадокияда нафасини биринчи бор туйганингдан сўнг уйингга ўзгача ҳолда қайтасан! Боиси энди сен ҳам ҳамма нарсада мукаммалликка интиласан...

Каппадокия – бу фотоссессиялар учун энг яхши жой, сабаби дунёнинг биронта ҳам мамлакати бундай ландшафт дизайни, бундай ранглари билан мақтана олмайди!

Каппадокия – бу ўзларини ушбу жойларнинг тарихи акс эттирувчиси ҳисоблаб келаётган имиллаган туялар...

Бу ўзига хос суръатда яшаб келаётган бепоён ва бемакон осмон: булутсиз ва кўкимтир-мовий фалакни бир зумда булутлар қоплаши мумкин. Бу Каппадокияга ўзгача назар солишнинг имконини беради!

Каппадокия – бу турк дарвешларининг рақсидек оловли ва сеҳрли...

... ва бу ерга келганларга абадий омад ёр бўлишини тилаш..