Каппадокия – ҳар жиҳатдан ноёб жой. У бетакрор ландшафтдан иборат эртакнамо маскан... У илиқ ва меҳмондўст. Каппадокия – бу биз ўрганган анъанавий Туркия эмас. У албатта томоша қилишга арзигулик Туркия мўъжизаси! Бугун биз Каппадокияга борганингизда қилишингиз керак бўлган 5 та нарса ҳақида гаплашамиз!

Ерости шаҳарларини томоша қилиш

Каппадокия ҳудудида 100 дан ортиқ ерости шаҳарлари бор. Улар орасида Деринкую, Қаймоқли, Ўзлуже, Ўзкўнак, Мазикёй ва Ғозиамирлар айниқса машҳур.

Учҳисор қўрғонига кўтарилиш

Ушбу қўрғон барча атроф манзара устида қад кўтариб туради.

У ердан Мовий водий ва Гёремега ажойиб манзара кўринади.

Қоядаги меҳмонхонада яшаш

Бундай бетакрор муҳитли меҳмонхонани яна қаердан топасиз!

Маҳаллий таомларни татиб кўриш

Каппадокияда таомнома, дарҳақиқат, мазали. У ерда асл ва шинам ресторанлар кўп. Уларнинг баъзилари қояларда, бошқалари эса қадимий тегирмон ёки ажойиб қасрларда жойлашган.

Ва, албатта, ҳаво шарида парвоз қилиш!

Тонг пайтида қуш учар баландликдан Каппадокиянинг бетакрор манзараларини томоша қилганингизда ҳаяжонга тўлишингиз аниқ!

Каппадокия ўз меҳмонларига тақдим қилувчи қувончли онларни яқинларингиз билан баҳам кўришни истасангиз, бу ерга ташриф буюринг ва бор ажойиботлардан баҳра олинг!