Jumeirah Group меҳмонхоналар компанияси янги брендни тақдим этди – Zabeel House. Янги тармоқ меҳмонхоналари бизнес-сайёҳлар ва турли авлод дам олувчилари учун мўлжалланган.

Янги юқори сифатли бренд ўсиб бораётган сайёҳлик талабларига биноан ишлаб чиқилган.
Zabeel House меҳмонхоналари ўзига хос услубга эга бўлиши ва қурилажак шаҳар руҳиятини акс эттириши кутилмоқда. «Дизайн борасида стандартлаштириш бўлмайди» дейишмоқда Jumeirah дагилар.

Zabeel House меҳмонхоналарини БАА, Баҳрайн, Индонезия, Хитой, Уммон, Иордания, Малайзия, Саудия Арабистонида бунёд этиш режалаштирилмоқда.
Jumeirah Group нинг бош операцион директори Марк Дарденнинг таъкидлашича, Zabeel House кўплаб мукофотларга лойиқ кўрилган меҳмонхона таклифидан баҳраманд бўлишни истаганлар учун ажойиб танлов бўлиши кўзда тутилмоқда.

Эслатиб ўтиш жоизки, айни вақтда Jumeirah Group нинг Европа, Яқин Шарқ ва Осиёда 19 та меҳмонхонаси бор.