Бирлашган Араб Амирликлари – афсонавий Форс кўрфази томонидан ювилиб турувчи Арабистон яриморолидаги гуллаб-яшнаётган воҳа. БААда сайёҳлик юқори даражада ривожланган, айнан шу сабабли бу ерга люкс классидаги дам олишни хоҳловчи талабчан сайёҳлар ташриф буюришади. Дабдабали меҳмонхоналар, ресторанлардаги лаззатли тушлик, сунъий ҳовузлар ва олий даражада жиҳозланган тренажёр-залларидан ташқари, бу мамлакат яна бир қатор янгиликларни тақдим этиши мумкин. Мисол учун, улкан осмонўпар бинолар билан бир қаторда тор араб кўчаларини бирлаштирувчи ҳайратланарли шаҳар Дубай бўйлаб экскурсия. Замонавий архитектура мўъжизаси – дунёдаги энг баланд минора Бурж Дубай ҳам эътиборингиздан четда қолмайди. Мазкур минора олти йил давомида қурилган ва ҳозирда у бутун Амирликларнинг донғи кетган диққатга сазовор иморати ҳисобланади. Абу-Даби бўйлаб саёҳат туфайли мамлакат тарихи ҳақида кўплаб янгиликларни билиб олишингиз, Ал-Ҳовон саройини кўздан кечиришингиз ва ультразамонавий шаҳар қурилишларидан баҳраманд бўлишингиз мумкин. Чексиз-чегарасиз қумликлар, саҳродаги ҳаяжонли сафари-саёҳатлар ва юлдузли осмоннинг чарақлаши сизни ушбу мамлакатни абадий севиб қолишингиз учун асос бўлса, ажабмас.

БААга сафар – пляжда дам олиш, экстремал экскурсия, энг яхши ресторанлардаги таомлар, у қадар машҳур бўлмаган брендлардан тортиб жаҳонга машҳур фирмалардан харидлар ва араб халқининг тарихий маданиятидан воқиф бўлишнинг уйғунлиги. Амирликларнинг бор гўзаллигидан тўлиқ даражада баҳра олиш учун у ерга октябрдан майгача сафар қилган маъқул.

БААда дам олиш – бу юқори сифатли хизмат кўрсатиш, янги кечинмалар, мовий бандаргоҳлар, қуёшда тобланиш, лаззатли хурмоқоқи ва араб ширинликлари.