Миср – бу ҳақиқий «шарқ гавҳари». Қадимий цивилизация мамлакати, йил бўйи қуёш ўз нурларини саҳийлик билан улашувчи, денгизи эса доим илиқ ва мусаффо ўлка. Бу ерда сиз қадимий пирамидалар ва Сфинксни, Тутанхамоннинг олтин хазинасини ва буюк Луксор ибодатхоналарини томоша қилишингиз мумкин.

Миср дам олиш ва саёҳат қилишни хоҳловчилар учун ўз эшикларини кенг очмоқда. Ёз жазирамасидан қўрқмайдиганлар бу мамлакатга июндан сентябргача бўлган муддатда ташриф буюришлари мумкин. Бу Қизил денгиз соҳилларидаги энг иссиқ ва қуруқ давр. Мўътадил ҳаво ва илиқ денгиз сувини маъқул кўрувчилар эса Мисрга октябрь-ноябрь ойларида бемалол келишлари мумкин.

Мисрда дам олиш – бу мафтункор Хургада, машҳур  Шарм ал-Шайх, Миср Венецияси деб номланувчи Ал-Гуна, Сафага, Макади Бей, Даҳаб, Таба иқлим санаторийлари...

Миср илгари ва ҳозир ҳам оммавий ҳамёнбоп дам олиш маскани бўлиб қолмоқда. Қизил денгиз соҳилларига серфер ва дайверлар ошиқишади: баъзилари балиқ овласа, бошқалари маржонларни томоша қилиш илинжида сув остига шўнғишади.

Ажойиб иқлим, илиқ денгиз, кенг қумли пляжлар, сифатли меҳмонхоналар, турли-туман экскурсиялар – буларнинг барчаси Мисрда унутилмас дам олишни кафолатлайди, шу сабабли бу ерга яна ва яна қайтгингиз келади.