Жаннатмакон Ўзбекистон архитектура ёдгорликлари хазинаси, қадимий ва навқирон шаҳарлар ўчоғи, афсонавий Буюк ипак йўли марказларидан бири. Бу ерда, яъни Хива, Самарқанд, Бухоро, Термиз каби шаҳарларда ҳақиқий Шарқ анъаналари, урф-одатларини кўришингиз мумкин. Миллиф кийимларимизнинг жилоси ва миллий таомларимизнинг хилма-хиллиги хорижий давлатларда ўзгача қизиқиш уйғотиб келмоқда. Минг йил олдинги тайёрлаш усули бўйича дамланган ошларни татиб кўриш кишига ўзгача завқ бағишлайди. Сўнгги йиллардаги сайёҳлар оқимининг ошиши Ўзбекистонда рўй бераётган ислоҳотлар, меҳмонхоналар сони ва улардаги хизмат кўрсатиш соҳасининг яхшиланиши, транспорт ва инфратузилманинг ривожланиб бораётганлиги туфайлидир. Тезкор поездлар қатновининг йўлга қўйилгани ҳам сайёҳларга бир шаҳардан бошқасига боришда қулайликлар туғдирмоқда.