Маврикий – йилнинг исталган вақтида ташриф буюриш мумкин бўлган кенг йўлакли оқ қумли пляжларнинг эртакнамо мамлакати. Маврикий табиати ҳаяжонлантиради ва завқлантиради – бу ерда ҳам маржон қоялари, ҳам сўнган вулқонлар учун жой топилган. Оролда кичик шаҳарча сингари ўз барлари, ресторанлари, сузиш ҳавзалари, сартарошхона, SPA-салонлар, спортзал ва магазинларни ўз ичига олган юзга яқин меҳмонхоналар мавжуд. Маврикийда дам олиш европаликлар томонидан юқори баҳоланади, шу сабабли бу ерда от миниш, катта теннис ва гольф спорт турларидан дарс олиш мумкин. Бироқ Маврикий – бу фақатгина аристократик сайқал берилган экзотик мамлакат эмас, балки урф-одат ва маданиятнинг ажойиб уйғунлигидир. Оролда турли миллат ва дин вакиллари баҳамжиҳатликда тинч-тотув ҳаёт кечиришади. Бекорга Маврикийни Ердаги жаннатнинг кичик нусхаси дейишмайди.

Оролда одатий субтропик иқлим ҳукмрон бўлса-да, жазирама иссиқ кузатилмайди: жануби-шарқий пассат шамоллари йил давомида салқинликни олиб келади. Ўртача йиллик ҳарорат +25+27 °С, сув эса +23+27 °С гача исийди. Октябрдан майгача давом этувчи қишки вақт Маврикийга ташриф буюриш учун энг қулай давр. Февралдан май ойларига қадар оролда кучли муссонлар кузатилиши мумкин.