Tatil.uz Brand
+99871 200 55 44
Ўз

ВЬЕТНАМ

Нячанг экзотикаси
UZS 12,415,000 дан
БАТАФСИЛ

ЧЕХИЯ

Эртакнамо Европа
UZS 6,494,000 дан
БАТАФСИЛ

ТУРКИЯ

Туркия олтин учбурчаги
UZS 6,685,000 дан
БАТАФСИЛ

ОЗАРБАЙЖОН

Нафталан (Озарбайжон)да даволаниш ва дам олиш + Баку
UZS 6,675,450 дан
БАТАФСИЛ

12-12-2018 17:14

Трускавец ҳақида маълум бўлмаган 7 та факт

944

0

Трускавец – Львов шаҳридан 100 километр узоқликда, Украинанинг ғарбий қисмида жойлашган ажойиб маскан. Ушбу ноёб курорт минтақа соғлиқ ва кайфият учун фойдали ҳордиқ чиқариш имконини беради. Машҳур «Нафтуся», «Мария», «София», «Юза» ва бошқа шифобахш булоқлар сабабли (ҳаммаси бўлиб 25 та) Трускавецни «ҳаёт фабрикаси» дейишади. Курортда қайси касалликларни қандай даволаш ҳақида биз сизга ушбу мақоламизда ёзган эдик. Бироқ бу ерда фақат сув билан даволанилмайди! Шу сабабли бугун Трускавец ҳақида сиз билмаган қизиқарли фактларни келтириб ўтишни лозим деб топдик!

 

1-факт. Номи

Ҳеч ким унинг номи қаердан келиб чиққанлигини аниқ билмайди. Трускавец – қадимий славян номи Трушко ёки Труськодан келиб чиққан ва вақт ўтиши билан Труськовичга ўзгарган, кейинчалик эса ҳозирги шаклга келган, деган фикрлар мавжуд. Бошқа олимларнинг фикрича, унинг номи druska ўзагидан олинган ва бу литва тилида туз деб таржима қилинади, сабаби, маълумки, Карпат орти азалдан туз тайёрлаш маркази сифатида машҳур бўлган, деган фикрдалар. «Трускавец» номи поляк тилидаги truskawka, яъни «қулупнай» маъносини англатади, деювчилар ҳам бор.

 

2-факт. Курорт мавсум

Бугунги кунда Трускавец – ажойиб меҳмонхона ва санаторийларга эга йил бўйи сайёҳларни қабул қилувчи курорт. У ерга исталган вақтда боришингиз мумкин, ҳатто ҳозир ҳам. Илгари эса Трускавец дам олувчиларни фақат аниқ белгиланган пайтда: дастлаб – 15 майдан 30 июнгача, иккинчи марта 1 июлдан август охиригача, учинчисини эса сентябрда қабул қилган. Чунки курортда махсус санаторийлар ва малакали шифокорлар бўлмаган. Ҳозир Трускавецда бундай муаммо йўқ!

 

3-факт. Истиқболи порлоқ

Трускавец – истиқболли курорт эканлигига аллақачон ишониб бўлишган. Шу сабабли Львовшинада у биринчи электрлаштирилган шаҳар бўлган. Худди шундай муваффақият умидида сармоядорлар бу ерга маблағ сарф қилишган, Ғарбий европаликлар бу ерга бемалол келишлари учун темир йўл қурилган. Шундай ҳам бўлди, курорт очилишидан сўнг бу ерга энг фаол келувчилар прагалик, веналик, краковлик, берлинлик ва варшавалик сайёҳлар бўлишди. Ва ҳозирда у европаликларнинг энг севимли курортларидан бирига айланган!

 

4-факт. Нафтуся

Кўпчилик «Нафтуся» номли сувни билади ва ундан палағда тухум ҳиди келиши ҳақидаги афсоналарни эшитган. Аслини олганда, сувдан нефтнинг ҳиди келади. Бу унинг нефть билан боғлиқ юқори даражадаги органик моддаларга эга эканлиги билан тушунтирилади. Шунингдек, у жуда ҳам фойдали, аъзо ва тўқималардаги яллиғланиш жараёнини бартараф этишга, майда тош ва қумларни буйрак ва ўт пуфагидан чиқаришга, моддалар алмашинувини яхшилашга ёрдам беради, жигар ҳужайраларини тиклайди ва ҳимоя қилади!

 

5-факт. Архитектура

Трускавец нафақат суви, балки ҳозирги кунчага сақланиб қолган ноёб архитектура намуналари билан машҳур. Жумладан, ҳозирги Билас музейи – илгари Гоплян номидаги энг чиройли виллалардан бири бўлган. 19-асрнинг ўттизинчи йилларида бу ерда АҚШ ва Польша элчилари, Туркия, Эстония президентлари ва бошқа нуфузли шахслар меҳмон бўлишган.

 

6-факт. Ёғоч бозори

Бизда улгуржи ва чакана, озиқ-овқат ва кийим-кечак бозорлари бор, Трускавецда эса – ёғоч бозори мавжуд! Бу ерда яқинларингиз учун харид қилишингиз мумкин бўлган турли совға ва сувенирлар сотилади. Суратлар, брелоклар, ёғоч буюмлари, анъанавий украин кийимлари, кашта, чолвор ва ҳ.к.ларни шу ердан топасиз!

 

7-факт. Парклар

Трускавец ниҳоятда чиройли табиати билан мақтана олади, шу боис бу ерликлар ва дам олувчилар паркларда узоқ саёҳат қилишни ёқтиришади. Ҳаммага айниқса қизиқарли ландшафт дизайнига, узоқ йиллик дарахтларга, чиройли хиёбонларга ва маҳобатли ҳайкалларга эга Марказий парк ёқади.

 

Агар Трускавецга борсангиз, бизга ҳам қизиқарли фактларни ёзиб юборинг, биз эса уларни блогимизда эълон қиламиз! Трускавецга туримиз – мана бу ерда. Трускавец ҳақидаги бошқа қизиқарли маълумотларни +99871 200 55 44 рақами орқали билиб олишингиз мумкин. Қўнғироқ қилинг, меҳмонга келинг ва доим соғ бўлинг!

 

 

Мақола муаллифи: Александра Терёхина

БИЗНИНГ ТЕЛЕГРАМ - КАНАЛИМИЗГА ОБУНА БЎЛИНГ

Изоҳ

МАВЗУ БЎЙИЧА ТУРЛАР

АЛОҚА

Бизнинг манзил:

100031 Тошкент, Ўзбекистон
Яккасарой тумани,
Юсуф Хос Ходжиб кучаси, 69 уй

Тел: (+998 71) 200 55 44

E-mail: info@tatil.uz

Top