Tatil.uz Brand
+99871 200 55 44
Ўз

ВЬЕТНАМ

Нячанг экзотикаси
UZS 13,520,000 дан
БАТАФСИЛ

ЧЕХИЯ

Эртакнамо Европа
UZS 7,072,000 дан
БАТАФСИЛ

ТУРКИЯ

Туркия олтин учбурчаги
UZS 7,280,000 дан
БАТАФСИЛ

ОЗАРБАЙЖОН

Нафталан (Озарбайжон)да даволаниш ва дам олиш + Баку
UZS 7,269,600 дан
БАТАФСИЛ

МИСР

UZS 7,404,800 дан
БАТАФСИЛ

ТУРКИЯ

UZS 14,008,800 дан
БАТАФСИЛ

ЎЗБЕКИСТОН

Трускавецда даволаниш
UZS 16,473,600 дан
БАТАФСИЛ

ЎЗБЕКИСТОН

UZS 457,600 дан
БАТАФСИЛ

14-02-2018 15:10

Афьондаги қайта тикланиш ва физиотерапия марказида ўзбекистонликлар учун нархлар пасайтирилади

1523

1

Афьондаги бугунги куним қизиқарли ва унумли бўлди. Чунки Сиз қадрли ўқувчиларимиз бизга ёзмоқдасиз, қўнғироқ қилиб, ушбу термал курортга тиббий нуқтаи назардан қизиқмоқдасиз. Айни пайтда Афьонда бўлганим боис ушбу мавзуларни эътиборсиз қолдирмасликка ҳаракат қилдим. Бугун эса Афьондаги Кожатепе университетининг Қайта тикланиш ва физиотерапия маркази (Afyon Kocatepe Hospital)га ташриф буюрдим.

Клиника Budan Thermal Spa Hotel ва NG Afyon Wellness&Spa меҳмонхоналарига бевосита яқин (машинада 3–5 дақиқа) жойлашган бўлиб, Туркиядаги энг яхшиларидан бири ҳисобланади.
- Меҳмонхонамизда тўхтаб клиникамизда муолажалардан ўтувчи мижозларимиз учун биз бепул трансферлар уюштирамиз, – дейди Budan Thermal Spa Hotel меҳмонхонаси бош директори Ваҳопбей Каядан.
Қайта тикланиш ва физиотерапия маркази энг замонавий асбоб-ускуналар билан жиҳозланган, малакали мутахассислар жаҳон стандартлари даражасида хизмат кўрсатади.

- Бизда турли ёшдаги инсонлар даволанишлари мумкин. Бу ерга дунёнинг турли бурчакларидан беморлар ташриф буюришади, – дейди суҳбатимиз чоғида университет ректорининг ёрдамчиси, профессор Умид Дундар (суратда ёнимда).

Марказимиз мушак тизими – бел, бўйин, елка ва тизза бўғимлари касалликлари безовта қилувчи беморлар учун амбулатор даволаниш, шунингдек, стационар хизматни йўлга қўйган. Марказ мутахассислари – шифокор ва физиотерапевтлар неврологик касалликлар, орқа мия, бош жароҳатлари, инсульт, кўплаб склероз ва мия фалажига йўлиққан инсонларга реабилитацион дастур таклиф этади. Шунингдек, операциядан олдин ва кейинги ортопедик қайта тикланиш курслари ўтказилади. Бундан ташқари, бизда ревматик касалликлар – остеоартрит, остеопороз, фибромиалгияга чалинганлар ҳам кўп.

Жаноб Дундар бизни марказнинг даволаш бўлимлари билан таништиришга бажонидил рози бўлди.
Неврологик қайта тикланиш бўлимида одамлар кўп эди. Мутахассислар уларнинг ҳар бирига алоҳида эътибор бериб кўрикдан ўтказишмоқда.
- Ушбу марказда мен 4 йилдан бери ишлайман, – дейди физиотерапевт-ҳамшира Юдум. – Беморларимиз кўплиги сабабли бундай хоналаримиз иккита. Қайта тикланиш ва даволаниш мақсадида турли машқлар, электр- ва мануал терапияни қўллаймиз.

- Бу ерда орқа мия жароҳати, склероз, мия фалажи ва бошқа касалликлардан шифо топишга мутахассислар – физиотерапевтлар ёрдам беради. Қайта тикланиш неврологик дастурлари қаторига – нимжон мушак, бўғимлар чўзилиши, ҳаракатни тиклашга қаратилган машқлар киради, – дейди Умид Дундар.

Сўнгра биз болалар учун мўлжалланган педиатрик қайта тикланиш марказига ҳам кирдик. У ерда ногиронликка олиб келувчи (жумладан, бу болалар церебрал параличи) касалликларга чалинган болалар бор эди.

- Бу ердаги мутахассислар психомотор даволаш техникаси, электр стимуляциясидан фойдаланишади, шунингдек, координация ва қад-қоматни тўғри тутишга мўлжалланган машқларни таклиф этишади. Яна тажрибамизда болажонларга ўзининг илк қадамларини қўйишга ёрдам берувчи махсус роботдан фойдаланиш ҳам бор, – дейди Умид Дундар.
Албатта, уларни кўриб ачиндим, бироқ мутахассислар уларнинг ҳар бири билан жон куйдириб ишлаётганининг бевосита гувоҳи бўлдим. Сиз 6, 7 ёки 8 йил ҳаракатсиз бўлган боланинг юришни бошлаганидан сўнгги ҳаяжонини кўриш қандай эканлигини тасаввур қиляпсизми?! Мен айнан шундайларни кўрдим!
Кардиологик ва ўпка реабилитацияси бўлимида бизни Сидика исмли ҳамшира кутиб олди. Унинг айтишича, бу ерга юрак хуружи, астмаси бор инсонлар мурожаат қилишар экан. Замонавий жиҳозлар ёрдамида яхши натижаларга эришилмоқда: беморлар юраётган пайтларида нафас қисилишидан, кислород етишмовчилигидан халос бўлишмоқда. Барча машқлар томир уриши ва артериал босимни ўлчаш билан олиб борилади.

Роботлаштирилган қайта тикланиш хонасида бир беморни учратдик. Афтидан, ёш йигит жиддий жароҳат олган ва унинг оёқлари ишламай қолган. Робот ёрдамида у яна юришни ўрганмоқда...

- Инсульт, бош ва орқа мия жароҳати оқибатида мустақил ҳаракатлана олмайдиган инсонлар бизнинг ажойиб роботимиз ёрдамига мурожаат қилишмоқда. Энг юқори самарага эришиш, яъни одам яна юра бошлаши учун 30 дан 60 курсгача талаб этилади (ҳар бир курс – бир кун), – дейди жаноб Дундар.

Хонадаги машқлар физиотерапевт Озлам кузатуви остида ўтказилиб, унинг ишини Кожатепе Эбру университетининг 4-босқич талабаси диққат билан кузатиб бораётган эди.
- Юқори малакали мутахассис бўлиш учун ўз устимизда кўп ишлашимиз керак. Шу сабабли амалиёт пайтида марказ шифокорлари ва физиотерапевтларининг ишини диққат билан кузатиб бораман, – дейди талаба.

Шунингдек, жаноб Дундар бизни реабилитация бўлими билан виртуал борлиқ ёрдамида таништирди. Хона телевизорлар билан жиҳозланган ва машқлар махсус компьютер дастурлари ёрдамида бажарилади. Бу ерда Паркинсон касаллиги, церебрал паралич, инсульт ва бошқа неврологик касалликларни муваффақиятли даволайдилар.

Биз яна қўл фаолиятини тиклаш учун турли машқлар ўтказилувчи, майда моторика ривожланишига эътибор қаратилувчи хонага ҳам кирдик.

- Айни вақтда Афьон меҳмонхонасида истиқомат қилиш ва Қайта тикланиш ва физиотерапия марказида даволанишни назарда тутувчи сайёҳлик пакетларини тайёрлаяпмиз. У 14 кунга мўлжалланган, – дейди Tatil.uz ҳамкори Leisure Business Travel компанияси раҳбари Илимдар Ризо.

Маълумки, Туркияда хорижликлар учун даволаниш нархлари маҳаллий аҳолининг даволанишига нисбатан уч баравар қиммат. Марказда муолажалар нархини камайтириш учун клиника ва шаҳар маъмурияти билан узоқ давом этган музокаралар олиб бордик.

Бу борада Туркия маданият ва сайёҳлик вазирлиги ушбу ташаббусни тўлиқ қўллаб-қувватлади. Бундай соғломлаштириш саёҳатида Қайта тикланиш ва физиотерапия марказида турли муолажаларни ўтаб, Афьондаги меҳмонхона ва термал булоқларда дам олиш мумкин. Бу Сизга анча қимматга тушиши мумкин бўлган Европадаги худди шундай муолажаларнинг ўрнини бемалол босади.

Илимдарнинг таъкидлашича, Афьондаги Қайта тикланиш ва физиотерапия маркази дарҳақиқат Туркиядаги энг яхшиларидан ҳисобланади. Бу ерга спортчилар ва кичик ёшдагилар кўп ташриф буюришади.

Қайта тикланишнинг турли усуллари қўлланилади. Мисол учун, инновацион технологиялардан бири чуррани унинг бошланғич босқичида операциясиз, махсус асбоблар ва машқлар ёрдамида даволашни назарда тутади. Қайта тикланиш мобайнида термал меҳмонхонада яшаш даволаш самарасини бир неча бор оширади. Бундан ташқари, клиникада даволанишдан олдин барча зарур анализларни топшириш ва шифокорларга мурожаат қилиб, керакли маслаҳатларни олиш мумкин.

- Беш юлдузли меҳмонхонада яшаш ва Туркиянинг энг яхши клиникаларидан бирида даволаниш – эндиликда ўзбекистонликлар учун ҳам яратилаётган ажойиб имконият. Саёҳат ва нархлар борасида барча саволларингиз билан Tatil.uz даги ҳамкорларимизга мурожаат қилишингиз мумкин, – қўшимча қилди Илимдар Ризо.

Бизга эса, дўстлар, +99871 200 55 44 рақамига қўнғироқ қилиб ёки Facebook даги саҳифамизга ёзиб мурожаат қилишингиз мумкин! Tatil.uz жамоаси Сизга мустаҳкам соғлиқ ва барча яхшиликларни тилайди!

Мақола муаллифи: Александра Терёхина

БИЗНИНГ ТЕЛЕГРАМ - КАНАЛИМИЗГА ОБУНА БЎЛИНГ

Изоҳ

belgien vm tröja

Great website! It looks very good! Maintain the excellent work!

МАВЗУ БЎЙИЧА ТУРЛАР

АЛОҚА

Бизнинг манзил:

100031 Тошкент, Ўзбекистон
Яккасарой тумани,
Юсуф Хос Ходжиб кучаси, 69 уй

Тел: (+998 71) 200 55 44

E-mail: info@tatil.uz

Top