Tatil.uz Brand
+99871 200 55 44
Ру

Италия

Прекрасная Италия
от UZS 4,078,955
ПОДРОБНЕЕ

Чехия

Лечение и отдых в Карловых Варах для родителей
от UZS 7,670,034
ПОДРОБНЕЕ

Франция

Недельный тур в Париж
от UZS 5,198,668
ПОДРОБНЕЕ

Испания

Испания+Лазурный берег
от UZS 5,510,588
ПОДРОБНЕЕ

ОАЭ

На отдых в Дубай — по выгодным ценам через Алматы
от UZS 5,902,487
ПОДРОБНЕЕ

Испания

Европейские каникулы из Барселоны
от UZS 12,396,823
ПОДРОБНЕЕ

Египет

На отдых в Хургаду — через Алматы
от UZS 8,549,809
ПОДРОБНЕЕ

Франция

Комби тур «Париж, Барселона и Рим»
от UZS 10,517,304
ПОДРОБНЕЕ

Грузия

В Грузию — на лечение и отдых
от UZS 8,093,925
ПОДРОБНЕЕ

Россия

Пляжные отели в Сочи
от UZS 2,511,356
ПОДРОБНЕЕ

Турция

В Анталию — с вылетом из Шымкента
от UZS 4,662,805
ПОДРОБНЕЕ

Турция

VIP-отели Анталии — с вылетом из Ташкента
от UZS 17,907,410
ПОДРОБНЕЕ

14-11-2017 17:00

Пойтахтнинг Локомотив жамоасининг собиқ футболчиси – иши, саёҳатлар ва таассуротлар ҳақида

309

0

Бугун Tatil.uz га қизиқарли суҳбатдош – Тошкентнинг Локомотив жамоасининг собиқ ҳужумчиси Николай Гурьянов ўзининг қизиқарли ҳикоялари билан ташриф буюрди. Қуйида унинг мақоласини Сизга тақдим этамиз.

Футбол туфайли мен дунёнинг турли бурчакларида бўлдим. «Локомотив»да ўйнаган пайтларимда жамоадошларим билан тўрт марта БААга борганман. Бошқа сафарларим эса Ўзбекистон олимпия терма жамоаси таркибида бўлган. Барча саёҳатларим унутилмас бўлган, шу туфайли ушба таассуротлар билан ўртоқлашмоқчиман.

Ҳар бир мамлакатнинг ўзига хос жиҳатлари бор. Бироқ барибир баъзи мамлакатлар кўпроқ ёдда қолади, бошқалари эса – камроқ. Менга, мисол учун, Гонконг жуда ҳам ёқди. Унинг гўзаллигини самолёт иллюминаторидан қараганингдаёқ кўра бошлайсан...

Гонконг аэропорти жуда катта ва чиройли.

Илк қадамданоқ юқори намлик ва иссиқ ҳавони сезасан. Бироқ 15 дақиқа ўтгач Гонконгда юз йилдан бери яшаётгандек янги об-ҳаво шароитига кўника бошлайсан.

Меҳмонхонага кетаётиб, йўл-йўлакай ям-яшил дарахтлар, равон йўллар ва тўғри йўлларни, кўплаб инсонларни томоша қиласан...

Атрофда дўконлар, супермаркетлар, умумий овқатланиш жойлари ниҳоятда кўп ва уларнинг ҳар бири «дунёдаги энг яхши пекинча ўрдакни» татиб кўришни таклиф қилади... Баъзи кўчалар улкан бир шарқона бозорни эслатади! Супермаркетларда инсон орзу қилиши мумкин бўлган ҳамма нарса бор!

Шаҳарда кўплаб осмонўпар бинолар қад кўтарган. Ушбу биноларда доим ниманидир тозалаётган, артаётган ишчиларни учратиш мумкин. Худди гонконглик спайдерменларни эслатади!
Шаҳар маркази жуда ҳам чиройли. Паст-баланд бинолар, автобуслар ва Wi-Fi и бор телефон будкалари, булар айниқса сайёҳлар учун анча қулай. Такси бу ерда арзон эмас, шундай бўлса-да у ерга боришни маслаҳат бераман.

Гонконг таомлари – ниҳоятда мазали! (Албатта, Туркияда бундан-да ширин, чунки у ерда «All inclusive»!) Турли мамлакатларнинг миллий таомларини топиш мумкин. Асосан, денгиз маҳсулотларини ўз ичига олувчи таомларда балиқ ва сушиларга кўпроқ эътибор берилган.

Мабодо сушини ёқтирмасангиз, кўнглингизга ёққан таомни топишингиз мумкин. Мисол учун, мен ҳақиқий шоколад фавворасини кўрдим. Шу сабабли ширинликка ўчларга ҳам бу ер ёқиши турган гап.

Энди эса бироз футбол ҳақида. У ернинг майдонларидаги майса менга қалинроқ ва силлиқроқдек туюлди. Шу сабабли ўйнаш бироз ноодатий бўлди. Стадион чиройли. У ердаги футболчилар ҳам яхши, бироқ уларни мағлуб этдик. Шу боисдан ғалабамизни Гонконгдаги барлардан бирида аъло кайфиятда нишонладик.
Гонконгдаги «Wan Chai» – «Кўнгилхушлик» номли кўча ёдимда сақланиб қолди. У ерда ёшлар учун кўплаб ресторанлар, караоке, клуб, бар ва паблар бор... Европалик сайёҳлар ҳам кўп.

Туркияга келсак, бу мамлакат нисбатан тинчроқ. Белекка сафаримни яхши эслайман. Бу айнан ўша «All inclusive», кўплаб озиқ-овқатлар, кўнгилочар томошалар, денгиз, қум ва анъанавий дам олиш ҳақидаги энг ёрқин хотиралар.

БААда ўн марталаб бўлганман. У ерда ўйинлар, ўқув машғулотлари ўтказганмиз. Дубай ва унинг атрофларида, Шаржада истиқомат қилганман.
Амирликлар – бу, албатта, тараққиёт, юқори тезлик, технологиялар... Дўкон ва улкан савдо марказлари кўп. «City Centre Deira»да бир неча бор бўлганман ва бир марта бўлса ҳам битта эшикдан кириб, айнан ўша эшикдан чиқа олмаганман, чунки бу савдо маркази ҳақиқатан ҳам улкан!

Айтганча, Дубайда Сиздан кўпроқ пул олиш илинжида атайин узоқроқ йўл билан олиб борувчи айёр таксичилар кўп. Уларга ишонаверманг ва ўзингиз олдиндан харитага қараб йўлингизни режалаштиринг.

Дубай пляжларию кўнгилочар масканлар ёдимда қолди... Кечки Дубайнинг Бурж-Халифадан туриб томоша қилинган манзараси бутун умрга ёдимда қолди, десам ҳам бўлади.

Ҳар хил меҳмонхоналарда яшаганим учун шуни айтишим мумкинки, у ердаги барча меҳмонхоналарнинг шароити юксак даражада.
Қатар пойтахти Доҳа нимаси биландир Дубайни эслатади. Бироқ у ер барибир Дубайчалик эмас. Ва албатта, БААдан сўнг Қатарда барчасида биринчи бўлиш истаги ва дабдабани сезмайсан.

Уммонда ҳам бўлганман. Ушбу мамлакатда бошқа, анъанавий араб ҳаёти ҳукмрон. Барча-барчасида – пляжлар бўйлаб кечки сайрларда ҳам, эски шаҳарда бўйлаб юришларда ҳам ўзгача жозиба сезилади.

Баҳрайнни бўлса Уммон ва Амирликларнинг ўзаро уйғунлиги деса ҳам бўлади. У ерда осмонўпар биноларни ҳам, оддий араб иморатларини ҳам топиш мумкин. Шу сабабли нафақат шаҳар марказини, балки шаҳар ташқарисини ҳам томоша қилишни маслаҳат бераман.

Мен бошқа давлатларда ҳам бўлганман ва вақти келса албатта бу ҳақда Сизга ҳикоя қилиб бераман. Бугун эса Сизларга маслаҳатим: саёҳат қилинг, дунёни томоша қилиш учун барча имкониятларни топинг! Шундагина умрбод ёдда қолувчи таассуротларга эга бўласиз!

Автор статьи: Николай Гурьянов

ПОДПИСЫВАЙТЕСЬ НА НАШ КАНАЛ В TELEGRAM

Комментарии

ТУРЫ ПО ТЕМЕ

КОНТАКТЫ

Наш адрес:

Ташкент, Узбекистан
Проспект Бунёдкор 6А, 100027

Тел: (+998 71) 200 55 44

Факс: (+998 71) 245 47 73

E-mail: info@tatil.uz

Top